Search Bar

Showing posts with label katiwalian. Show all posts
Showing posts with label katiwalian. Show all posts

Sunday, August 14, 2011

"Witch-Hunt"

"Search for accountability". Ito ang isa sa pangako ni Pangulong Aquino sa kaniyang kampanya noon. At sa kasalukuyan, ito ang isa sa kaniyang ginagawa, bilang paraan sa pagsugpo sa katiwalian.

Siguro, nakikita natin ngayon ang mga nangyayari kung saan iba't-ibang paraan ang ginagawa ng mga sangkot sa mga anomalya. Oo, marahil totoo ang kanilang pagkakasakit pero bakit kung kelan naman may mga reklamo o imbestigasyon laban sa kanila at saka naman sila nagkakasakit. At ang kadalasang alibi ay ang pagpapagamot sa ibang bansa. Bakit wala ba talagang kakayahan ang ating mga doktor na magamot sila? O ang mga ospital na bigyang lunas ang kanilang karamdaman gamit ang makabagong teknolohiya?

Tapos, isang warning mula sa isang dating pangulo (Fidel V. Ramos) ang ating maririnig na baka ito (witch-hunt), ang maging dahilan ng paglayo ng mga mamumuhunan dito sa ating bansa. Sa palagay nyo ba tama ang kaniyang opinyon? Ano ba ang masama sa ginagawa ng kasalukuyang administrasyon sa pagsugpo sa katiwalian? Nakakalungkot isipin na bagkus suportahan nila ang ganitong paraan ay pilit nilang inilalayo ang issue upang hindi na maungkat ang katiwalian ng mga nakaraang administrasyon.

Dapat lang na maungkat ang mga katiwalian noon at ngayon upang matukoy ng taong bayan kung sino ang mga ito upang hindi na ito maihalal na muli sa gobyerno. At dahil ito ang makakatulong upang maibalik ang tiwala ng mga taong bayan at negosyante sa gobyerno. Hindi masama ang habulin ang mga tiwaling opisyal dahil bayan ang kanilang pinagnakawan. Dahil sa mga witch na yan, naghihirap ang ating bayan at laging kawawa ang taong bayan lalo na ang mga mahihirap. Kaya, kung may puso ang dating pangulong Ramos eh tulungan na lang niya ang gobyerno sa ibang paraan at wag ng pakialaman ang programa ng kasalukuyan administrasyon, na mabuti naman ang pakay. Total, kung hindi magiging mabuting pangulo si Pangulong Aquino, magkakaron din ng hangganan ang kaniyang panunukungkulan. Ang taong bayan ang makakapagpasya kung muli pa siyang ihahalal sa puwesto.

Kung maaari lang ilagay sa billboard ang mga pangalan ng mga tiwaling opisyal upang hindi pamarisan. Isang simpleng paraan pero matindi ang epekto. Tiyak kung hindi maaalis ang katiwalian ay mabawasan man lamang ang mga ito.
Enhanced by Zemanta

Monday, August 1, 2011

Bakit Hindi Muna Magkaisa

Image Source: gg.tigweb.org
Ano na naman kaya ang gustong palabasin ng ilang oposisyon sa naging SONA ni Pangulong Aquino. Sa pangunguna ni Edcel Lagman, marami na naman siyang puna kasama ang ilang minorya sa kongreso na nagpapahiwatig ng hindi maganda laban sa mga adhikain ng pangulo. 

Kaya naman hindi nagiging maayos ang takbo ng ating bansa dahilan sa kung anu-anong mga banat na hindi naman makakatulong sa pagbuo ng iisang adhikain. Dahil ba sa mga pagbubunyag at pagtuligsa sa mga katiwalian ng dating administrasyon kung kaya iniiba nila ang isyu? Gumagawa sila ng isyu na maglilihis ng isipan ng masa.

Kanina lamang, napanood ko sa ABS-CBN, sa report ni Anthony Taberna tungkol sa Helicopter na pag-aari umano ni FG Arroyo. Napag-alaman na ang mga ito ay ibinenta sa PNP kung saan luma na at overpriced pa ayon sa isang informant na negosyante. Ginamit umano ni FG ang kaniyang impluwensiya upang maisagawa ang lahat ng kanilang mga plano. Kung paano naibenta ang ang nasabing Helicopter ng hindi nalalaman na siya ang may-ari, yun ang isang magandang narinig ko sa balita. Todo, pagtatanggol naman ang kanilang spokesman sa pamilyang Arroyo. Malamang dahil dito kung anu-ano ang mga ginagawang paraan ng mga kampo ng dating administrasyon upang makaiwas sa mga kasong inihahain ng kasalukuyang administrasyon. Dahil sinasabing kailangan makulong ang mga ito dahil sa katiwalian nagdulot ng malaking paghihirap sa ating bansa noon at sa kasalukuyan, na siya ngayong pilit na nilulutas ng Pangulong Aquino.

Malamang talagang marami ang madadawit dito kung kaya pilit nilang iniiba ang usapan at isyu nang sa gayon, malihis ang ating mga pag-iisip. Nang sa gayon hindi natin matutukan kung paano nandaya, kung paano lumabas na tiwali ang dating administrasyon. Gusto nyo bang makulong ang tiwali?

Sana naman, upang maituwid ang mga kamalian, maalis ang katiwalian sa Gobyerno na siyang salot sa ating kahirapan, dapat ang Senado, ang kapulungan ng Kongreso at ilang mga oposisyon na magkaisa at magkaroon ng iisang layunin na bigyan ang ating bayan ng isang magandang bukas para sa mamamayan. Suportahan kung ano ang mabuti at magkaroon ng hangarin na "MARANASAN NATING MGA PILIPINO ANG TUNAY NA DIWA NG KAUNLARAN, KAPAYAPAAN AT KALIGAYAN NA HINDI NATIN HINIHINGI SA IBANG BANSA NA TULUNGAN TAYO O BIGYAN TAYO NITO"

Malaki ang magagawa at malayo ang ating mararating kung "MAGKAKAISA SILANG NASA GOBYERNO NA MULING ITAYO ANG PILIPINAS". Tigilan na sana ang sobrang pagmamagaling (na sarili lang ang inisip), kundi dapat ang lahat ay matutong magpakumbaba at tumanggap ng pagkakamali.

Marahil nga "Tiwali din silang tulad ng iba, na natatakot masangkot at makasuhan".

Sunday, July 31, 2011

Pag-amin Sa Dayaan Noong Nakaraang Eleksiyon

Image Source: s975.photobucket.com
Sa ginawang pag-amin ni Sr. Supt. Rafael Santiago kaugnay sa "ballot switching" sa  Batasang Pambansa noong nakaraang eleksiyon, pinasalamatan ito ng anak ni FPJ na siya ngayong Chairwoman ng MTRCB. Bagama't umamin dahil siguro sa matinding konsensya, sinasabing ito ay walang katotohanan ayon sa ilang dawit na opisyal.

Humingi sila ng paumanhin sa pamilya ni FPJ at sa masa sa kanilang ginawang pagkakamali. 

Mabuti man ang kanilang ginawa pero para sa akin, hindi pa rin sapat ang kanilang pag-amin sa madla. Nararapat pa rin silang managot sa kanilang mga kasalanan. Sabihin nating matagal ng nangyari ito ngunit dapat ituwid at bigyan ng katarungan. Sabi nga ng ilang kritiko, kung sakaling mapatunayang si FPJ nga ang nanalo, tama ba na baguhin ang linya ng mga nailathalang presidente ng Pilipinas. Dapat daw ilagay si FPJ sa linya ng ika-14 na Presidente ng Pilipinas at hindi si GMA. 

Dito natin nalalaman kung anong klaseng hustisya meron ang ating bansa. Ang mga kasama o kasabwat sa mga katiwalian, nagiging testigo at kapag pinalad ay magkakaroon pa ng magandang kinabukasan sa hinaharap. Na dapat, nasa kulungan. Na dapat pinarurusahan. Oo, kailangan silang patawarin pero hindi ibig sabihin na ganun na lang. Isang halimbawa lamang ang pumatay, maaaring siyang patawarin ngunit pagdusahan niya ang kaniyang kasalanan sa kulungan bilang pagbabayad-sala. Ito ang nararapat sa mga tiwali. Hindi yun bibigyan pa ng kung ano-ano mga biyaya. Bakit ganito ang ating bansa? Grabe!!!

Ngayon na nabubuksan na ang mga isyu ng dayaan sa nakaraang eleksiyon sana papanagutin ang mga may sala. Sa sobrang kalayaang tinatamo ng iilan sa atin, halos gawin na nilang tanga ang ating bayan. Matapos imbestigihan sampahan na dapat ng kaso, maliwanag naman na mali ang kanilang ginawa. Hindi yung "Sorry" lang. 

Ibinoto ko si FPJ dahil sa palagay ko karapat-dapat siya bilang pangulo. Sa nangyaring dayaan, walang saysay ang aking pagboto dahil sa mga taong ganid sa puwesto. Ang mga galamay dapat talagang managot. Alam kong marami talaga ang panig kay FPJ upang subukan sana siya kung ano ang kaya niyang gawin sa ating bansa pero dinaya. Maliwanag na dinaya. Isipin natin kung gaano kalaking boto na tinatayang 1.2 million votes daw. 

Sana magtuloy-tuloy ang ganitong pagsupil sa katiwalian at isa ako sa ngangarap na magkaroon ng maayos at matiwasay na Pilipinas sa darating na taon upang kahit minsan maranasan man lang natin o ng ating mga salin lahi ang magandang PILIPINAS.