Mukhang Tahimik Na Ang Issue Sa Katiwalian ng Pagcor

Gaya nga ng sinabi niya noon tungkol sa gambling, sinabi niya na laban sa kanya ang mg sugal. Hindi rin niya priority ang jueteng. So, mananatili pa rin ang jueteng para pagkaperahan ng mga pulis at sino mang tongressman sa ating bansa.

Dahil laban sa kaniya ang mga sugal kaya sinabi niya ito noon sa isang briefing sa Camp Aguinaldo: “We will provide, hopefully, more training that people will take advantage of, that would enable them to get jobs that would clean up their lives, in a more productive manner".

Sa ngayon, wala na tayong naririnig na ingay tungkol sa PAGCOR, ano na kaya ang nangyari? Mukhang makakaligtas na yata ang mga taong sangkot sa anomalya. Mukhang mababaliwala na naman ang mga planong kasuhan ang mga ito. 

Hanggang ngayon, patuloy ko pa rin sinusubaybayan ang katiwalian sa PAGCOR dahil gustong kong malaman kung talagang seryoso ba ang pamahalaan na sugpuin ang katiwalian.

Nais kong matiyak sa aking sarili kung kailangan pa ba siyang iboto sa susunod na panahon ng kaniyang pagtakbong muli kung hindi niya magagawa ang kaniyang mga ipinangako.

Kayo Po Ba Gusto Ninyong Makulong Ang Tiwali?

Image Source: www.abante.com.ph

Ito ang isang tanong ni Pangulong Aquino sa kaniyang ikalawang SONA. Sabi niya, maging siya gusto rin niyang makulong ang mga tiwali. kahit sino naman gustong makulong ang tiwali at siyang nararapat upang mabigyang ng leksiyon, hindi ba? Ako, gustong gusto ko masampulan ang mga tiwaling opisyales. 

Ang tanong, paano? Dahil hindi maikakaila na maraming tiwaling opisyal ang nasasangkot pero nakakalusot dahil sa justice system natin. Kani-kaniyang paraan para makalusot. Kung talagang seryoso ang Presidente, dapat walang sinasanto. Walang pinipili. Ipadama niya sa taong bayan na seryoso siya sa pagsugpo sa katiwalian sa pamahalaan upang maisa-ayos ang lahat. Maging normal ang takbo ng ating bansa sa lahat ng larangan. Sa dami ng mga tiwali kung kaya iba-ibang modus ang kanilang ginagawa para pagtakpan ang kanilang mga gawain. Nagugulo tuloy ang ating ekonomiya.

Kung may mapatunayang tiwaling opisyal, sampulan para matakot ang iba. Kaso iilan pa lang ang nakikita at puro investigasyon lang. Tulad ng PAGCOR, ng PNP, ng dayaan sa eleksiyon noon nakaraang halalan sa pagitan GMA at FPJ kung saan sangkot umano ang ilang opisyal ng Batasang Pambansa dahil sa "ballot switching". Kung nandaya nga si GMA, tiyak panalo si FPJ noong nakaraang halalan. Hindi ibig sabihin na "kung nandaya si kuwan, ibig sabihin panalo ang dinaya", ito ang ibang klaseng kataga ng isang abogado. Natural kung nandaya e talo, di ba? Mandadaya ba kung panalo? At kung mapatunayang tiwali, tanggalan ng mga benepisyo para hindi na pamarisan.

Ilang lang ito sa mga isyu sa ngayon. Kaya't tutok pa rin tayo dahil, maaaring simula na ito ng pagbabago. Siguradong maraming madadawit dito sa mga anomalyang ito. Kanya-kanyang turuan na sila.

Pagsugpo Sa Corruption : Unang Hirit Sa PAGCOR

Image Source: cafeamadeo.tripod.com

 Kagabi, nasabi ko na hihimay-himayin ko ng paunti-unti ang mga nilalalaman ng talumpati ni Pangulong Benigno Aquino III upang masundan ko lamang ang mga naging aksiyon ng ating Pangulo. Ito na nga, isang magandang balita tungkol katiwalian sa PAGCOR.

Nabanggit ng Pangulo ang tungkol sa budget ng PAGCOR sa Kape at ngayon naging kontrobersyal ito. Ito ang kaniyang nabanggit, "Sa isandaang piso na lang po kada tasa, lalabas na nakakonsumo sila ng sampung milyong tasa," Aquino claimed. "Baka po kahit ngayong iba na ang pamunuan ng PAGCOR ay dilat na dilat pa rin ang mata ng mga uminom ng kapeng ito. Hanapin nga po natin sila, at matanong: nakakatulog pa po kayo?"

Magugulat ka talaga, dahil sa kape pa lang P1 Billion ang nagastos ng PAGCOR sa nakaraang administrasyon. Ano kayang klaseng kape sya? Samantalang magkano lang naman ang kape sa tindahan. Marahil mamahalin at hindi gawa dito sa Pilipinas. Pero nakapagtataka naman na ganito kung gumastos ang PAGCOR. 

Ngayon, mangha ang ating mga kababayan sa naging rebelasyon ng Pangulo. Marami nga ang nag-comment tungkol dito. Sana raw sa ganitong kalaking halaga, may nabili na sana tayong dagdag barkong pangdigma (warships) o pang-upgrade ng mga makinarya para sa Spratly. Sana raw sa malaking halagang ito, may naitayo na sana coffee plantation na dagdag trabaho sa ating mga kababayan. Sabi naman ng iba, baka hindi lang coffee ito. Tama! Noon din meron na rin silang issue tungkol naman sa Chicken at Burger para sa 15,000 Police na umabot sa halagang P21 mIllion naman.

Dito sangkot ang PAGCOR Chief na si Genuino. Tungkol sa Chicken at Burger ito ang naging sagot niya sa 24 oras, “Installment kasi ‘yan. Kung minsan, nakaka-accumulate kami ng P2 million, P3 million, P5 million o P6 million, saka pa lang kami magbabayad," Genuino said in an interview aired over GMA News' “24 Oras." 

 

Pero Bakit ngayon lang? Marahil, alam naman natin na walang magagawa noon si Pnoy para salungatin ang dating administrasyon. Dahil sa bansa natin, hindi kapani-paniwala kung ang nagrereklamo ay isang hindi kilala o ultimo lamang. Kung yung ngang mga ilang matataas na opisyal walang magawa ano pa kaya siya na nagsisimula pa lamang. 

Ngayon na ang panahon para tuldukan ang lahat ng anomalya. Ngayon na panahon na niya, sinisimulan niyang alamin at bubusisihin ang lahat. Sana maituwid lahat sa kaniyang pamumuno. Kaya tutok pa rin tayo, halina sundan ang mga aksiyon ng Pangulong Aquino.