Kahalagahan ng Dagdag Na Pagsasanay sa Computer

Image by Extra Ketchup via Flickr

Napansin ko lang ngayon, tatlo sa aking mga customer na umarkela ng computer ay mga batang babae na nasa elementarya pa lamang. Naghahanap sila ng sagot sa kanilang assignment sa paaralan. Ni halos hindi pa nila alam kung paano gamitin ang keyboard, mouse, at kung paano magsaliksik gamit ang computer. Kumbaga, kailangan pa talagang alalayan sila sa paggamit ng computer.

Samakatuwid, hindi pa rin batid ng mga paaralan ngayon ang kahalagan ng computer sa mga pampublikong paaralan, lalo na siguro sa probinsiya.

Malimit, sa tuwing may mga assignment ang mga mag-aaral, kadalasan ay pinapagawa na lamang nila ito sa mga computer assistant sa isang internet shop. Meron naman, talagang nagtitiyagang matuto kaya sila na lang ang gumagawa kahit malaki pa ang bayaran nila.

Sa ganang akin, mainam talaga na ang mga mag-aaaral ay mabigyan na ng karagdagang pagtuturo ukol sa paggamit ng computer. At hindi lang basta turo, kundi isang matinding lecture kasama ang actual na hands-on. Sapagkat kung puro lecture lamang ang gagawin sa kanila, hindi sila makikitaan ng interes. Dapat maging aware na rin ang mga magulang sa mga makabagong teknolohiya upang maituro rin nila sa kanilang mga anak ang kanilang nalalamanan. Mahirap na kasi ang labanan ngayon pagdating sa paghahanap ng trabaho. Kailangan, ang mga kabataan matuto ng mga bagay na angkop sa mga makabagong teknolohiya at hindi puro sinaunang paraan ng pag-aaral.

Dapat na rin gumamit ang mga guro ng multi-media presentation upang mabawasan ang mahabang preparasyon nila sa kanilang mga itinuturo. E kahit siguro ang ilang mga guro natin ay kulang din sa kaalaman o hindi rin sana'y sa paggamit ng computer. Bukod sa iba't-ibang visual aids, makakatulong ng malaki ang paggamit ng microsoft powerpoint sa kanilang presentation upang maakit ang mga kabataang gumamit ng computer. Bukod dito, malaking bagay din ang paggamit ng projector paminsan-minsan.

Kung ang kabataan ay masasanay ng maigi sa larangan ng pag-aaral ng computer mas malaki ang tsansa na mas marami silang matutunan liban sa mga bagay na hindi angkop para sa kanila na kung saan malawak na ang exposure ng pornograpiya sa internet. Ngunit maiiwasan ang ganito kung laging may patnubay ng mga magulang sa paggamit ng computer sa loob ng kanilang tahanan. Sa labas naman, may mga internet cafe naman na nagbabawal na manood ng malalaswang sites sa internet.

Naniniwala akong mas importante sa mga kabataan ngayon ang advance na turo ng mga paaralan.

Maganda ang Panahon

source: tuggot.blogspot.com

Wala ng ulan. Maaga akong nagising dahil maganda ang panahon ngayon. Maliwanag. Mainit na naman! Abala na naman ang mga tao lalo na kapag maganda ang panahon. Masigla na naman ang negosyo dahil malaya ang mga tao sa pamimili kumpara sa tuwing umuulan.

Maaga pa lang, bukas na ang shop ko. Maaga rin pumunta yung isa kong customer para itanong kung paano daw gawin yung kanilang connection sa Globe. Hindi raw kasi sila maka-connect sa internet. Hindi pa naman ako gaanong abala kung kaya sumama ako sa kanilang bahay para tingnan kung ano ang problema. Hindi lang pala maayos na naka-connect yung kanilang linya kaya hindi sila makapag--internet. Ayun, ayos na. Itunuro ko na rin kung paano nila imi-maintain ang kanilang PC para maging maayos ang operation nito. Naituro ko sa kanila ang kahalagahan ng personal maintenance gaya ng disk clean up, defragmentation at virus scanning.

Sa ngayon, marami na rin mga Filipino ang may sariling computer hindi tulad noon na halos nasa internet shop ang mga ito para mag-rent ng computer upang maka-usap ang kanilang mga mahal sa buhay na nasa ibang bansa. Kahit paano nakakatipid na sila kumpara sa mag-rent pa. Enjoy pa sila dahil kahit magdamag sila kausap ang kanilang mga mahal sa buhay. Advantage rin ito pa ra sa mga kabataan upang maging bihasa sa computer na siyang kailangan ngayon sa mga trabaho. Ngunit, iilan pa rin sa mga pinoy ang may technical na kaalaman sa computer kung kaya magastos din kapag may sira ang computer. Ganyan lang talaga ang buhay.

Isang simpleng pasasalamat ang narinig ko sa customer ko. Masaya na ako kahit paano, nakakatulong tayo sa kanila sa isang sandali.

Sirang Hard Disk

Alam nyo ba na puwede pa rin palang gamitin ang mga HDD na hindi kalakihan ang damaged. Kumbaga, ang ilan sa mga ito ay may bad sectors lang. Paano pa magagamit ang mga ito?

Maaaring ang ilan ay nagawa na ito at ilan naman ay hindi pa. So, paano natin magagamit ang mga ganitong hard disk drive.

Minsan, kapag ni-reformat mo ang hard disk may ilan na tuloy-tuloy ngunit ang iba naman ay nagha-hang o kaya naman ay nagbu- blue screen of death o BSOD sa maikling salita. Sa ganitong paulit-ulit na ginagawa mo, malamang maiinis ka na at sasakit ang ulo mo.

Pero wag mabahala kaibigan, may solusyon pa diyan. Kung ang bad sectors ay hindi na kayang i-regenerate, alamin mo kung saan banda ang mga bad sectors o bahagi na damaged. Wag lang siguro sa unahan dahil tiyak hindi na magbo-boot iyon. Pero kapag wala sa unahan at nagsimula pa itong magbasa, gamitan mo na ng tinatawag na Partitioning.

Minsan kasi kung magi-install ka na ng OS o operating system gaya ng Windows XP, maaring kung ano-anong error ang lalabas. Ngayon, kahit ilan ang gawin mong partition sa hard disk basta wag lang bababa sa 8GB kung saan kailangan mong ma-install ang OS. Pagkatapos ng Partitioning, i-format mo sa NTFS or Fat. Subukan mong mag-install, pag tumuloy ng walang error, yun ang partition na walang bad sector o damaged.

 Paano yung ibang partition? I-format mo rin at gawin mo na lang na taguan ng mga mahahalagang files mo. Usually, lalabas na drive C: ang may windows. 'Yung iba, lalabas na drive D, E, F etc..