Pauwi ng Mindanao ang aking kamag-anak na isang linggo ding nagbakasyon dito sa amin. Cebu Pacific ang flight nila patungong Butuan City. Alas-siete ng umaga ang lipad nila ngunit maaga pa lang (4 am) ay gising na sila para gumayak, medyo excited na rin kasi ang tiyahin ko na umuwi. Kami naman ay ginising na lang dahil napuyat kami ng palabas na "Pearl Harbor".
Akala nila malayo ang Terminal 3 dito sa Taguig. Dahil nakagayak na sila, kumuha na lang ako ng tricycle palabas para mag-taxi patungong Domestic Airport. Actually, may International Flight din sa Terminal 3 tulad ng Terminal 2. Dahil maaga pa lang, narating namin ang nasabing terminal sa loob lamang ng mahigit 30 minuto, mga dakong alas-singko na ng umaga. Samakatuwid, dalawang oras pa silang maghihintay para makalulan sa flight nila ngunit ok lang kasi ang check-in dapat ay 5 am.
Sabagay mas mainam na yung maaga kaysa mahuli sila sa flight. Mahirap na.
Kaya naman, mas maganda talaga kung maninirahan ka rin lang sa siyudad, piliin mo yung lugar na malapit sa Airport at bus station dahil mas madaling bumiyahe kung uuwi ng probinsiya sa pamamagitan ng eroplano o bus. Walang hassle liban kung kasagsagan ng traffic o "Rush Hour" na kailangan mong umalis ng mas maaga.
Pinakamalapit na ang lugar ng Taguig, Pasay, Makati at Paranaque sa Airport.