Search Bar

Friday, April 10, 2015

eBIR Forms Portal Site - Nakakaloko

Ano ba naman ang silbi ng website kuno na halos nasayang lang ang ilang araw o mga oras na para lang makagawa ng account?

Kahapon, pumunta ang kapit-bahay namin na may paupahan para makisuyo na makapag-submit ng kanilang annual income tax payment gamit ang portal site ng Bureau of Internal Revenue. Hindi kasi nila ma-edit sa sarili nilang computer sa hindi malamang kadahilanan. Galing na raw sila sa BIR Global City (Fort Bonifacio) Branch noong isang araw at sabi sa kanila nasa website na raw ang application at submission ng mga aplikante at yung magbabayad ng kanilang mga buwis. Pero hindi sila tinuruan kung paano. Siyempre sa dami nga naman ng tao, hindi na rin nila nagawang magtanong dahil giit ng empleyado dun, nasa website na lahat. Saka, maraming tao doon na halos ganun din daw ang problema kaya nahiya na silang magtanong dahil mga suplada raw ang ilang empleyado parang ayaw ng mag-entertain.

Samakatuwid, umuwi sila para nga mag-online. Nag-fill up sila gamit ang offline form para mai-save at ma-print. Ngunit may mga space na hindi ma-edit kaya pina-print na lang nila kung ano ang nagawa nila. Tapos, bumalik sila para ibigay ang nagawa nila ngunit hindi tinanggap dahil online na rin daw ang submission. 

Kanina, bumalik na naman dito sa bahay dahil hindi naman siya makapag-sign up sa PC nila. Sabi sa kanila, gumawa muna ng account para mabigyan sila ng "username" at "password" na maaaring baguhin kung makapag-log-in na sila. 

Inisip niya na baka may problema ang internet nila at baka sa akin makapasok siya portla site ng eBIR. Ngunit maging dito sa akin ganun din ang hirap talagang makapasok sa website na ibinigay nila. Minsan makapasok pero matagal. Tapos ilang minuto ay "service not available". Grabe!!! Sa sign-up pa lang tatlong oras ang inabot niya dahil sa error samantalang ayos naman ang ibang website na gaya ng youtube at iba pa. At ang matinding problema, may error din tuwing i-click na ang "Proceed". Ang tagal bago ma-analyze ang data sabay may error na naman na kailangan baguhin. Halos ang dami na naming napag-usapan ngunit sa sign-up pa lang pagod na siya. Ano bang klaseng website yan?

Paano kung hindi talaga makapasok at ang tanging paraan ay manual fill-up at submission? Sana naman may consideration ang mga taga-BIR. Hindi dahil may website na ay maganda na ang kanilang sistema. Paano kung down ang website nila? O yung iba ay walang sariling PC o kung meron man ay hindi alam ang gagawin?

Hindi yata naiisip ng pamunuan ng BIR kung talagang nakakatulong ang kanilang website at kailangan umasa talaga sa website nila. Siguro hindi maganda ang humahawak ng site nila (Host) o kaya naman sobrang dami ng gumagamit kaya ang hirap makapasok sa site nila. Grabe namang traffic yan sa site nila???

Sana naman, bago sila tuluyang umasa sa website nilang bulok review muna nila kung ano ang performance nito. Dapat may feedback page sila para sa mga users na maibigay ang kanilang komento para mapabuti ang serbisyo nila. Siyempre, kawawa ang kapit-bahay ko dahil sa sobrang abala. Buhay talaga sa Pinas! 

Monday, January 12, 2015

Sino Ba Ang Tunay Na Kaibigan?

Marami ka bang kaibigan? Eh tunay na kaibigan? Kasi ngayon yung iba nanggagamit lang.

Sa panahon ngayon, iilan lang ang maituturing mong tunay na kaibigan. Hindi lahat ay totoo at yung iba ay plastik at tipong kailangan ka lang kung may hinihingin kaunting pabor.

Ang mahirap sa parte ng pakikipag-kaibigan ay iyong ikaw ay totoo sa kanya ngunit siya ay hindi. May mga oras na minsan lahat ng pakisuyo ay ginagawa mo ng walang hinihinging kapalit. Kahit alam mong meron kang dapat unahin eh sadyang ginagawan mo ng paraan para lang hindi masira ang inyong samahan. Na kahit anong oras siyang tumawag o makisuyo ay hindi mo matanggihan.

Minsan, dahil sa pagiging totoo mo hindi mo naiisip kung tama pa ba ang ginagawa mo o may panahon ka ba sa iyong sarili o pamilya. Mahirap bang tumanggi? Masamang umayaw? O nagiging plastik ka na rin?

Sa negosyo, tama bang lagi na lang libre? Minsan, hindi maiiwasan dahil nahihiya ka dahil kaibigan mo. Dahil may pinagsamahan kayo, iniisip mo na baka maging dahilan ito ng pag-iwas niya sa iyo. Minsan kahit walang-wala ka na ay libre pa rin. Pero, ang kuryente hindi libre, di ba? Sa jeep, walang TY, di ba? Ang materyales binibili, di ba? So, tama bang ganun na lang?

Minsan mas mahirap timbangin ang isang kaibigan kaysa sa asawa o kapamilya. Minsan, kapag pera na ang usapan nandiyan ang trayduran. Kapag, may transaksiyon kayong tungkol sa pera at may katumbas na malaking komisyon, asahan mo tatraydurin ka niyan. Gagawa at gagawa yan ng paraan na ma-solo niya ang pera o maisantabi ka lalo na't wala naman kayong kasulatan. 

Merong kaibigang akala mo kapatid ang turing sa iyo at anumang meron siya parang iyo na rin. Subalit mag-ingat ka dahil dahil lahat ganun at huwag mong isipin puwedeng laging ganun. Sapagkat baka sa bandang huli sa iyo pa hanapin ang mga gamit niya?

Napansin mo bang parang kang isang utusan? Oo, yung halos ipagawa na sa iyo lahat kahit nandiyan naman ang pamilya niya. Yun bang sobra ang tiwala mo sa kanya na totoo siyang kaibigan kaya ginagawa mo naman ang bawat utos niya dahil matalik mo siyang kaibigan. Pero kalaunan, kaunting pagkakamali mo lang ay ikaw pa ang may kasalanan. Yes, nangyayari ang ganitong sitwasyon at yun ang dapat natin iwasan. Dahil ito ang magiging dahilan ng hangganan ng inyong pagkakaibigan.

Kaya ngayon, natuto na rin ako dahil ganyan ang naransan ko. Kaya ang pananaw ko ngayon parang gamitan na lang ang buhay sa mundo. Pero, kapag totoo ka pala, minsan ang hirap iwasan pero kinakailangan lalo na kung pamilyado ka na. Sa panahon ngayon, hindi lahat ng bagay libre dahil kahit ultimo hangin sa isang vulcanizing shop may bayad na. At sa panahon ngayon gutom abutin mo o ng pamilya mo kapag kaibigan mo ang laging mong inuuna. Pero sana nga hindi lahat tulad ng iba na plastik at hindi totoo.